በእስር ላይ የሚገኘው ጋዜጠኛ ኤልያስ ገብሩ ፍትህ እና የህክምና እርዳታ ያስፈልገዋል፡፡

12th April 2017  By BefeQadu Z. Hailu
0


Translated from English by Meron Mesfin.

ኢትዮጵያዊው ፀሀፊ እና ጋዜጠኛ ኤልያስ ገብሩ በብዙ ጋዜጦች እና መጽሄቶች በአዘጋጅነት ሰርቷል፡፡ ስለ የመናገር መብትም በማህበራዊ ድህረ ገጾች ላይ ተሟግቷል፡፡ ጋዜጠኝነት  ከየትኛም ሞያ በላይ እጅግ የሚያሰጋ ቢሆንም እሱ ግን በግንባር ቀደምትነት ይዘግብ ነበር፡፡ በአሁኑ ጊዜ በእስር ቤት ይገኛል፡፡

ኤልያስ ከጋዜጠኛ አናንያ ሶሪ እና ከፖለቲከኛ ዳንኤል ሺበሺ ጋር በህዳር 8 ቀን 2009 ዓ.ም በፖሊስ ቁጥጥር ስር ውሏል፡፡ ጋዜጠኞቹ በቁጥጥር ስር የዋሉት የአስቸኳይ ጊዜ አዋጁ በታወጀ ከስድስት ሳምንት በህዋላ ነው፡፡ የአስቸኳይ ጊዜ አዋጁ በመንግሰት የታወጀው በአማራ እና ኦሮሚያ ክልልሎች ሲካሄድ የነበረውን ተቃውሞ ተከትሎ ነው፡፡ ሦስቱ ጋዜጠኞች የታሰሩት የተቃውሞ ምልክት የሚያሳይ ፎቶግራፎችን በፌስቡክ ገጻቸው ላይ በመለጠፋቸው ሊሆን እንደሚችል የማህበራዊ ድህረ ገጽ ተሟጋቾች ገምተዋል፡፡ የታሰሩ በማስመሰል እጅን ማመሳቀል  መንግስት በሀይማኖት ጉዳዮች ላይ ጣልቃ መግባቱን በመቃወም ኢትዮጵያዊ  ሙስሊሞች ከነሀሴ 2004 ዓ.ም ጀምሮ  ሰላማዊ ተቃውሟቸውን ለማሳየት የተጠቀሙበት ነው፡፡  ምንም እንኳን የተቃውሞ ምልክት ማሳየት ሰላማዊ ተቃውሞ የሆነ እና በአስቸኳይ ጊዜ አዋጁ መመርያ መሰረት በትክክል የትኛው የተቃውሞ ምልክት ማሳየት እንደተከለከለ ባየገለጽም አመፃን የሚቀሰቅስ ምልክት ማሳየት በመመርያው ተከልክሏል፡፡

ኤልያስ ገብሩ አውራምባ ታይምስ እና ፍትህ በተሰኙ ታዋቂ ጋዜተኞች ላይ በአምደኝነት ሰርቷል፡፡ በተጨማሪም እንቁ እና አዲስ ገጽ መጽሄቶች ላይ በዋና አዘጋጅነት አገልግሏል፡፡ኤልያስ ጨዋ እና ጠንካራ ሰራተኛ ነው፡፡ በነፃ ፕሬስ ውስጥ መስራት በየትኛውም መንገድ አዋጪ ባልሆነበት ጊዜ የኤልያስን ቆራጥነት አደንቃለሁ፡፡ ይልቁንም የጋዜጠኝነት ህይወት በጣም ከባድ እና አሰጊ ሆንዋል፡፡ መንግስት ነፃ ፕሬሱን በማፈኑ ምክንያት ኤልያስ ሀገርኛ ዜናዎችን  በፌስቡክ ገጹ ለተከታዮቹ የሚያቀርበውን እከታተል ነበር፡፡ በአሁኑ ሰዓት ይሰራባቸው የነበረባቸው ጋዜጦች እና መጽሄቶች መዘጋታቸው እና የእሱ መታሰር የኤልያስን እጣ ፈንታ መገመት አስቸጋሪ አድርጎታል፡፡ኤልያስ ሲታሰር ይሄ የመጀመርያው አይደለም፡፡ በ2006 ዓ.ም በእንቁ መጽሄት ላይ አንድ ታሪክ ካሳተመ በኋላ አመጽ በማነሳሳት ተከሶ ነበር፡፡ ከቤት ሆኖ እንዲከራከር በ 50,000 ብር ዋስ በ ሕዳር 2007 ዓ.ም ከተፈታ በኋላ የመከላከያ ምስክሮቹን ለፍ/ቤት ከማሰማቱ በፊት በህዳር 2009 ዓ.ም በድጋሚ በፖሊስ ቁጥጥር ስር ውሏል፡፡

ጋዜጠኛ ኤልያስ ገብሩ የጤና እክል በእስር ቤት ገጥሞታል፡፡ሳይነሱም አገርሽቶበታል፡፡ ማረፍያ ቤቱ እጅግ የቆሸሸ እና አየር ለመግባት አስቸጋሪ በመሆኑ የማሽተት ስሜቱን አጣለሁ የሚል ስጋት አለው፡፡በህክምና ባለሞያ እንዲታይ የጠየቀ ቢሆንም የማረፍያ ቤቱ ሀላፊዎች ሊያግዙት አልቻሉም፡፡ከጓደኞቹ አናንያ እና ዳንኤል ጋር ከተለያየ ሁለት ሳምንት ሆኖታል፡፡ ቂርቆስ የገበያ ማእከል ፊት ለፊት በሚገኘው ቂርቆስ ማረፍያ ቤት ይገኛል፡፡ በመጀመርያዎቹ ሦስት ወራት ከታሰረበት ማረፍያ ቤት ጋር ሲነፃፀር አሁን ያለበት ለጠያቂዎች የቀለለ ነው፡፡ ነገር ግን የአሁኑ ማረፍያ ቤት ለእሱ የከፋ ነው፡፡ኤልያስ የታሰረው ከሌሎች 14 ሰዎች ጋር ነው፡፡ አብረውት የታሰሩት በሙሉ በአስቸኳይ ጊዜ አዋጁ  ምክንያት በቁጥጥር ስር የዋሉ ናቸው፡፡ አብዛኞቹ የተያዙት የሰላማዊ ሰልፈኞች ፎቶዎች እና ቪዲዮዎች በስልካቸው ይዘው በመገኘታቸው መሆኑን ኤልያስ ነግሮኛል፡፡ ኤልያስ ከተያዘ ከመቶ ቀናት በኋላ ቢያልፍም ፍርድ ቤት ግን እንዲቀርብ አልተደረገም፡፡ እጀግ ከመዘግየቱ በፊት ኤልያስ ገብሩ ወቅታዊ ፍትህ እና የህክምና ትኩረት በእጅጉ ይሻል፡፡




BefeQadu Z. Hailu
BefeQadu is a blogger, democracy activist and Ethiopian Dreamer – a MIS expert by profession and a writer by inclination. His first novel Children of Their Parents won the Burt Award for African Literature (Ethiopia) in 2012. He is also a Zone 9 Blogger and a volunteering editor of Global Voices in Amharic. Web: befeqe.blogspot.com









Leave a Reply

Your email address will not be published. Required fields are marked *


More Story
Writing in Afaan Oromo - Despite the Challenges Literature is a key-factor for the development of cultures, arts, traditions and everything within a society and nation....